Ffocws, Camera, Saethu!
Cofnodwch Galon ac Enaid Cymru er mwyn ennill gwobrau gwych!
Cyflwynwch ffotograff digidol neu ffilm fer sy’n dangos ‘pobl, lleoedd neu fywyd gwyllt’ ar y Rhwydwaith Beicio Cenedlaethol yn y Cymoedd er mwyn cael cyfle i ennill!
Mae'r haf yma o'r diwedd, a does dim ffordd well i fanteisio ar y dyddiau hir na thrwy grwydro hyd y Rhwydwaith Beicio Cenedlaethol yn Y Cymoedd.
Boed hynny ar droed neu ar gefn beic, mae Cymoedd De Cymru yn cynnwys rhwydwaith rhagorol o lwybrau di-draffig sy'n cynnig amrywiaeth, hwyl ac antur i chi, eich ffrindiau a'ch teulu i’w mwynhau.
Mwynhewch y golygfeydd panoramig o'r mynyddoedd, dewch o hyd i’r amrywiaeth cyffrous o fywyd gwyllt, ymgollwch yn y parciau gwyrdd mawreddog, tra'n llosgi calorïau a chasglu digonedd o ‘filltiroedd awyr iach’.
Y gystadleuaeth …
Eleni mae’r Rhwydwaith Beicio Cenedlaethol yn dathlu ei ben-blwydd yn 15 oed. Fel rhan o’r dathliadau mae Sustrans, yr elusen sy'n gyfrifol am y rhwydwaith, ynghyd ag ymgyrch Calon ac Enaid y Cymoedd, yn estyn gwahoddiad i chi gymryd rhan yn y gystadleuaeth hon ar gyfer ffotograffau a ffilmiau byr. I gymryd rhan y cyfan sy'n rhaid i chi ei wneud yw cofnodi’r dyddiau da ar y Rhwydwaith yng Nghymoedd De Cymru ar gamera neu ffilm.
Angen ysbrydoliaeth? Cliciwch yma i lawr lwytho gwybodaeth am lwybrau cerdded a beicio yn y Cymoedd. Cliciwch yma i lawr lwytho map o'r Rhwydwaith Beicio Cenedlaethol yn y Cymoedd.
Y gwobrau…
Ymhlith y gwobrau gwych mae:
1 Gwyliau beicio Saddle Skeddadle i 2 (Telerau ac amodau’n berthnasol)
2 Talebau gwerth £200 ar gyfer Dare Valley Cycles yn Aberdâr a The Bicycle Doctor ym Mhontypridd
3 Arhosiad pedair noson ar gyfer hyd at 10 o bobl yn Windways Neuadd Afan, llety hunanarlwyo moethus 4* (Telerau ac amodau’n berthnasol*)
4 Golwg ar fyd cyfarwyddo: Diwrnod ar set gyda'r Cyfarwyddwr Ffilm Ryan Andrews, wrth iddo ffilmio un o'i brosiectau diweddaraf: fideo cerddoriaeth, hysbyseb deledu, neu’r ffilm hir Elfie Hopkins and the Gammons gyda Jaime Winstone.
5 Print wal cynfas 20” wrth 30” o ffotograff o'ch dewis wedi ei fframio, gwerth £150 o Colour Labs yng Nghaerffili
6 Sesiwn portreadau mewn stiwdio gan Derek G Lewis
Caiff y ffotograffau a'r ffilmiau byr buddugol eu cyhoeddi a'u harddangos yn yr Eisteddfod Genedlaethol yng Nglynebwy eleni. Caiff rhai o'r cynigion a ddaeth yn agos i'r brig eu dangos yno hefyd, a bydd cyfle i'r cyhoedd sy'n mynd i’r ŵyl bleidleisio drostynt er mwyn ennill rhagor o wobrau.
Caiff y cynigion gorau eu defnyddio gan Sustrans i hyrwyddo'r Rhwydwaith Beicio Cenedlaethol.
Y beirniaid…
David Hurn, un o’r ffotograffwyr uchaf ei fri yng Nghymru ac aelod o asiantaeth fyd-enwog Magnum Photos, fydd yn arwain y panel ffotograffau. Ryan Andrews, cyfarwyddwr o Gymru sy’n prysur ennill ei blwyf, fydd yn arwain panel beirniadu’r ffilmiau byr.
Am fanylion y rheolau a sut i ymgeisio cliciwch yma
Y dyddiad cau yw 10 Gorffennaf
Pob lwc ac fe edrychwn ymlaen at eu derbyn!
Am Sustrans ...
Sustrans yw elusen cludiant cynaliadwy flaenaf y DU, yn gweithio ar brosiectau ymarferol fel y gall pobl ddewis teithio mewn ffyrdd sy’n gwneud lles i'w hiechyd a'r amgylchedd. Mae ein miloedd o gefnogwyr wedi ein galluogi ni i newid y byd gwych sydd gennym fesul milltir. Gallwch chithau wneud hynny hefyd. Ymunwch â'r mudiad heddiw yn www.sustrans.org.uk
